Gorputzeko kaltea baloratzeko Unitatea
IMQ Zurriola Zentro Mediko Kirurgikoko Gorputzeko Kaltea Baloratzeko Unitate Asistentzialaren helburua da istripu, zabarkeria mediko, eraso edo gaixotasun baten ondorioz pertsona bati kalte egin diezaioketen lesioak, sekuelak, galerak, minak, eragozpenak edo ezintasunak bilatu, ebaluatu, sailkatu eta jakinaraztea.
Unitateak nola funtzionatzen duen
Jarduketa mediko jakin bati buruzko eztabaida dagoenean, abokatuek pertsonen ordezkari esku hartzen dute, eta bai haiek bai epaileek, bi eremuak ezagutzen dituen figura bat behar dute balorazio zehatza eman dezan. Izan ere, figura horren eginkizun nagusia da abokatuei, epaileei eta fiskalei baliagarria izango zaien txosten bat egitea.
Peritu edo aditu medikoa osasuneko eta zuzenbideko jakintzen arteko lotura da.
Pertsona aztertu ondoren, peritu-txostena egiten du. Peritu-txosten horrek kasuaren argudioak eta balorazioak jasotzen ditu. Txosten hori egiteko, agiri guztiak aztertu behar dira –hala nola historia klinikoa–, kalteen eta istripuaren arteko kausalitate-erlazioa zehazteko.
Kalteen eta istripuaren arteko kausalitate-erlazioa frogatu ondoren, istripua izan duenak kalte-ordaina jasoko du lesio, kalte edo galerarengatik.
