Medikuntza birsortzailea
Hazkunde-faktoreak proteina batzuk dira, eta horiek odol-plasmatik eta plaketetatik ateratzen dira. Horretarako, pertsonari odola ateratzen zaio eta ondoren zentrifugatzen da, proteina horiek odolaren gainerako osagaietatik bereizteko.
Medikuntza birsortzaileko mediku espezialistak
Ateratako odola zentrifugatu ondoren proteina lortu ostean, sendatu beharreko aldean infliltratuko da.
Espezialitate horretan, hazkunde-faktoreak kirol-patologiak eta artrosia sendatzeko erabili ohi dira.
Kirol-patologiak tendoien, lotailuen eta muskuluen hanturak eta lesioak dira, hala nola Akiles-en tendoiko eta tendoi errotuliarreko tendinitisak. Horrelako lesioetan, 3 infiltrazio gomendatzen dira, horien artean 10 eguneko tartea utzita, eta, lesioa duen tokia hobeto kokatzeko, ekografo batez baliatzen da.
Artrosiaren kasuan, belaunak eta aldakak ohi dira giltzadura kaltetuenak, baina eskeletoko giltzadura guztietan egin daitezke infiltrazioak –eskuetan, oinetan, eskumuturretan edo sorbaldetan–, eta horietan ere 3 –batzuetan, 4– infliltrazio jartzen dira. Tratamendu hori urbeteren buruan egin daiteke berriro.
Artrosi patologietan, 2. eta 3. mailako artrosietan (arina eta moderatua) gomendatzen da, gaixotasunaren berezko eboluzioa geldiarazteko. Artrosiaren eboluzioa oso handia bada (4. mailakoa), tratamenduaren eraginkortasuna nabarmen murriztuko da.
